İlk dəfə olaraq azərbaycanlı violin ifaçısı, Azərbaycan Respublikasının Prezident təqaüdçüsü, İsveçrə Konfederasiyasında master-solist pilləsində təhsil alan, Master Specialized Music Performance Soloist (Switzerland), respublika və beynəlxalq müsabiqələr laureatı Cəmilə Qarayusifli İsveçrə konfederasiyasının Martini şəhərində yerləşən qədim amfiteatrında təşkil edilən 5 tamaşadan ( Giacomo Puccini “Tosca”) ibarət olan Opera Festivalının “L”Opera Du Rhöne” adlı layihəsinin orkestrinin konsertmeysteri seçilib.
Dünyanın ən yaxşı musiqiçilərindən ibarət Opera Festivalının orkestrinin konsertmeysteri vətənimizi İsveçrədə təmsil edən gənc violin ifaçısı Cəmilə Qarayusiflinin seçilməsi bizim üçün çox böyük fəxrdir.
Bütün tamaşalarına biletləri satılan layihənin 6 avqust tarixində Opera Festivalının tamaşalarından biri artıq çox möhtəşəm və tamaşaçı alqışları ilə keçirilib və 10, 13, 17 , 20 avqust tarixlərində isə növbəti tamaşalar keçiriləcək.
Dirijor: Sebastian Bagnoud, dünya şöhrətli vokal ifaçıları və opera teatrların aparıcı solistləri: Brigitte Torney, Delphine Gillot, Marc Mazuir, Jeremie Schütz