Qara Qarayev adına Mərkəzi İncəsənət Məktəbində “Şuşa ili” çərçivəsində Xan qızı Xurşidbanu Natəvanın 190 illiyinə həsr edilmiş “Şuşanın saf incisi Xan qızı Natəvan” adlı musiqili-poetik gecə keçirilib.
Tədbirdə xan nəslinin son varisi olan xan qızı Natəvanın həyatı, yaradıcılığı və ictimai fəaliyyəti haqqında söhbət açıldı, video materiallar nümayiş olundu və Vasif Adıgözəlovun yaradıcılığında Natəvan lirikası, onun bir El anası, Şuşa incisi obrazının əks olunması mövzusu dinləyicilərin nəzərinə çatdırıldı.
Qara Qarayev adına Mərkəzi İncəsənət Məktəbinin direktoru, Azərbaycan Respublikasının Əməkdar artisti, dosent Əziz Qarayusifli, məktəbin müəllimi Mətanət Nurullayeva çıxış edərək Vasif Adıgözəlovun “Natavan” operasından musiqi nömrələri ifa etdilər. Humay Süleymanbəyli isə şairənin sözlərinə Vasif Adığözəlovun nəfis “Qərənfil” romansını ifa etdi.
Tədbirdə Xan qızı Natavanın həyat və yaradıcılığını əks etdirən foto slayd nümayiş olundu. Tədbirin təşkilstçıları musiqişünas Nabat Əsğərova və Pərvin Səfərli idi.
Tədbirin sonunda Xoreoqrafiya və rəssamlıq şöbəsinin müəllimi Əli Ağadadaşov tərəfindən şairənin obrazı ilə bağlı rəsm sərgisi təşkil edildi.