Mayın 23-də Qara Qarayev adına Mərkəzi İncəsənət Məktəbində “Şuşa ili” çərçivəsində “Musiqili Xəmsə” adlı bilik yarışması keçirilib.
Musiqi ədəbiyyatı fənni üzrə buraxılış sinifləri arasında keçirilən yarışmada 5 komanda birinci yerə görə mübarizə aparırdı.
Beş raunddan ibarət yarışda tədbirin təşkilatçısı və aparıcısı, məktəbin nəzəriyyə ixtisası üzrə müəllimi, musiqişünas Pərvin Səfərli bəstəkarların yaradıcılığı və əsərlərindən maraqll faktlar, əyləncəli suallar səsləndirdi.
Münsiflər heyəti məktəbin direktoru, Azərbaycan Respublikasının Əməkdar artisti, dosent Əziz Qarayusifli və Tədris işləri üzrə direktor müavini Mənsurə Quliyeva idi.
Yarışda “Vo ves qolos” yarışmasının diplomantı, məktəbin tələbəsi Lalə Qafarova gözəl ifası ilə iştirakçıları və tamaşaçıları sevindirdi.
Yarış zamanı tamaşaçllar arasında da 2 oyun keçirildi.
Qaliblər diplom və təşəkkürnamə ilə təltif edildilər.